Vorgesetzte zu Gast bei Mittellöwen Bern

Seit geraumer Zeit pflegen die Vorgesetzten der Geselschaft zu Mittellöwen Bern und der Gerbern Zunft Basel einen regen Austausch. Aus diesem Grund werden regelmässig Delegationen beider Zünfte zu diversen Aktivitäten eingeladen, unter anderem durften wir bekanntlich unser Apero vom Zunftausflug 2017 im Saal der Mittellöwen geniessen. Um euch einen kleinen Einblick zu geben, haben wir uns entschlossen euch einen kleinen Einblick in die Aktivitäten des Vorstands zu geben.


mittelloewen wappen bern

Maggsch di sälber au no bsinne?
Wo mir z Bärn in de Gasse inne
Stolz marschiert sinn in vyyle Raie
Zum Apero im Saal vo de Mittellaie.

Au jezt am Fritig no dr Fasnacht hänn
Zwai e Rais gmacht uff das Bundesbärn
So dr Maischter und si zwait Schryyberling
Als Gescht yyglaade vo de Mittellaie sinn.

Am Waisekommissionsmääli wird feschtlig diniert
Und zwische eloquänte Reede aagreggt parliert.
E wunderbaari Gsellschaft hämmer derfe gniesse
Wo mir an dääre Stell nomol härzlig dien griesse!

Am Määli wird zimpftig gässe in riich dekoriertem Saal,
Rauchfisch Variazion und Kalbshohrugge ussem Ämmital
So lueg, e Kääsdäller und e riichhaltigs Dessärt folge däm,
Und derzue gniesst me e Gleesli Wysse und au Roote gärn.

 

Mit scheene Gspreech isch dä Oobe schnäll vergange,
Beglaidet vo dr aint odr ander Bärner Müntschi Stange
Me mungglet die erschte Mässständ sige scho gstande
Wo die zwai Gselle dr Wäg zrugg ins Holtel sinn gange.

Doch leen mir s Munggle besser syy
Und gän is do dr Danggsaagig hii.
So wämmer ganz bsundere Dangg verkinde
Uff unseri baide Zimpft und uff unseri Frinde!

Jonas Hunziker

20190315 Delegation Bern